عباس ستانکزي له بهرنیو چارو وزارت تګ تائید کړ، خو وایي، اختلافاتو له امله نه، ارام لپاره وتلی یم

کابل ټيليګراف (سلواغې 9مه– ۱۴۰۳ لمريز)

وروسته له هغې چې د طالبانو د بهرنیو چارو وزارت سیاسي مرستیال عباس ستانکزي په اړه د هېواد پرېښودلو خبرونه خپاره شول، هغه په یوه پيغام کې ویلي، چې د اختلافاتو له امله نه، بلکې د ارام کولو لپاره وتلی.

هغه په دغه پیغام کې په واضح ډول ندې ویلي، چې له هېواده بهر وتلی او که د بهرنیو چارو وزارت څخه، خو وایي، په کرونا ډوله ناروغۍ د اخته کېدو په موخه ارام کولو لپاره وتلی دی.

عباس ستانکزی چې همېش د خپلې ډلې په رهبر د تعلیم له امله توندې نیوکې کوي، وایي، د هیبت الله اخوندزاده سره هیڅ ډول اختلافات نلري.

ستانکزي په دې پیغام کې په رسنیو هم د ناسمو تبلیغاتو له امله نیوکې کړې.