کابل ټیلیګراف – ۱۱غویی ۱۴۰۴ لمریز کال
د هندوستان د ډیلي ښار په یوه مشهور بازار کې د اور لګیدنې له امله دیرش هټۍ په بشپړ ډول سوزیدلي، چې له خلکو ته یې ۳ سوه میلیونه هندي کلدارې زیانونه اړولي.
دا پېښه د هند په پلازمېنه کې د دلي هاټ په نوم یوه بازار کې رامنځته شوې، چې د څو ساعتونو وروسته اور مړ کړای شو او په کې د انساني تلفاتو په اړه خبر نه دی ورکړل شوی.
د سوداګرو په وینا، د اورلګېدنې لامل د برېښنا شارټ سرکټ و.
د شاهدانو په وینا، اور د بازار شاته له هغو هټیو پیل شو او په چټکۍ سره خپور شو، چې له امله یې ډېری هټۍ په څو دقیقو کې په ایرو بدلې شوې.
ډېری هغه هټۍ چې په دې پېښه کې زیانمنې شوې، چې د کاليو، زیوراتو او هنري آثارو د خرڅلاو په برخه کې یې فعالیت کاوه.
د هندي رسنیو د راپورونو له مخې، د دې هټیو ډېری یې د پلازمېنې د کشمیری اوسېدونکو پورې اړه لري.
