کابل ټیلیګراف د تلې ۲مه ۱۴۰۴ لمریز کال
نړیوال بانک په یوه تازه راپور کې ویلي چې،په تېرو درېیو کلونو کې په پاکستان کې د بېوزلۍ کچه ۷ سلنه لوړه شوې.
د یاد بانک په راپور کې راغلي، چې په پاکستان کې د بیوزلۍ اوسنۍ کچه ۲۵.۳ سلنې ته لوړه شوې ده.
ویل کېږي چې که روان حالت دوام وکړي ښایي، د بېوزلۍ کچه نوره هم لوړه شي.
عام پاکستانیان هم د نا امنۍ ترڅنګ له بېوزلۍ شکایتونه لري او وایي، د لومړنیو خوراکي توکو نرخونه لوړ او کاري فرصتونه کم دي.
دوی وایي اوس هم داسې کورنۍ شته چې په شپو شپو په لوږه وېدېږي.
