په پلازمینه کابل کې طالبانو د یوې ښځې په ګډون دوه نارینوو ته د زنا په تور د دورو سزا ورکړې ده.
د طالبانو تر واک لاندې سترې محکمې د یوې خبرپاڼې په خپرولو سره ویلي، چې یاد کسان هر یو په يو ـ یو کال او شپږ مياشتې تنفيذي بند او ۳۹ ـ ۳۹ دورو سزا محکوم شوي و.
سترې محمکې ددغه تورنو هویت ندی ښکاره کړی چې څوک دي او کله نیول شوي وو.
په دې ورستیو کې د طالبانو له لورې د عامو خلکو پر وړاندې د سزاګانو راپورنه زیات شوي چې د نړیوالې ټولنې له سخت غبروګون سره مخ شوي دي.
په افغانستان کې د ملګرو ملتونو ماموریت (یوناما) په ورستي راپور کې چې څو ورځې وړاندې خپور شو راغلي، چې په تېرو درېیو میاشتو کې په افغانستان کې د ۱۶ ښځو په ګډون ۱۱۱ تنه په فزیکي توګه مجازات شوي دي.
یوناما ویلي، چې طالبانو دغه کسان د بېلابېلو تورونو له امله په انفرادي او ډله ییزه توګه په دورو وهلي دي.
