د ننګرهار په کوزکونړ ولسوالۍ کې د تېرې شپې سختو اورښتونو او ږلۍ له امله د یوه کور دیوال پرېوتو پرمهال یوه کس خپل ژوند له لاسه ورکړی دی.
د ننګرهار رسنیو دفتر څخه په خپره شوې خبرپاڼه کې ویل شوي چې د اورښتونو له امله ګڼ فصلونه هم لهمنځه تللي دي.
په خبرپاڼه کې همداراز ویل شوي چې په کوزکونړ، کامې، ګوشتې او بټيکوټ ولسواليو کې سلګونه جريبه ځمکه کې ولاړ فصلونه لهمنځه تللي او خلکو ته مالي زيانونه هم اوښتي دي
