کابل ټيليګراف (د مرغومي ۲يمه – ۱۴۰۳ لمريز)
چارواکي وایي، فاریاب ولایت کې یوه ښځه او خاوند په ډزو وژل شوي.
د دغه ولایت د اطلاعاتو او کلتور رئیس شمس الله محمدي وايي، دغه پېښه تیره ورځ د یاد ولایت قیصار ولسوالۍ په رحمت اباد بېشبله کلي کې رامنځته شوې.
د نوموړي په وینا، وژل شوی کس عبدالله نومیږي، چې ورسره یې ۲۵ کلنه میرمن حلیمه هم په ډزو وژل شوې ده.
هغه وایي، د یادې پېښې قاتل معاذالله نومیږي، چې له قضیې وروسته د تېښتې پر مهال نیول شوی دی.
په هېواد کې د طالبانو له حاکميت وروسته په تدريجي توګه د خپلسريو او مرموزو وژنې ورځ تر بلې ډېرېږي چې شنونکي يې د خلکو قضاياوو ته د طالب چارواکو نه پاملرنه او بې باکي ګڼي.
