کابل ټيليګراف (د مرغومې ۲۲مه– ۱۴۰۳ لمريز)
په هرات کې ځایي سرچینې وایې چې د دغه ولایت د ولایتي شورا یو پخوانی غړی(عبدالرحمان علیزی مرادي)په مرموز ډول وژل شوی دی.
سرچینې زیاته کړې چې نوموړی د هرات په مربوطاتو کې د خپل کور مخې ته وژل شوی دی.
تراوسه د نوموړي د وژنې انګېزه روښانه نه ده او نه هم د یادې پېښې مسولیت چا منلی دی.
په دې وروستیو کې د هیواد په بېلابېلو سیمو کې دا ډول مرموزې وژنې زیاتې شوي، چې لامل یې تر ډیر شخصي دښمنۍ بلل کیږي.
