کابل ټیلیګراف – ۲۱ حوت ۱۴۰۳
د طالبانو مالیې وزارت وایی، د ۷۱ میلیون افغانیو په لګښت د فراه ولایت په ګمرګ کې د څلورو هنګرونو جوړېدو چارې بشپړې شوې.
د یاد وزارت په خبرپاڼه کې راغلي چې دغه هنګرونه د ابو نصر فراهي په ګمرګ کې جوړ شوي دي.
سرچېنې لیکلي چې د یادې پروژې پیسې د مالیې وزارت له بودیجې ورکړل شوي دي.
مالیې وزارت لیکلي، هر یو هنګر به په یوه وخت کي د (۵۰۰۰) میټریک ټنه توکو د ځایېدو ظرفیت ولري، چي په جوړېدو سره به یې سوداګرو ته د سوداګریزو توکو د خوندي ساتلو په برخه کي ګڼي اسانتیاوي رامنځته شي.
