کابل ټیلیګراف – ۱۴ وری ۱۴۰۴ لمریز کال
غزه کې د اسراییلي د تازه د بریدونو له امله یوازې ۷۷ فلسطینیان وژل شوي او ۲۲ نور ټپیان دي.
د الجزیرې خبري شبکې د راپور لهمخې چې دغه بریدونه تېره ورځ (چهارشنبه) شوي دي.
دغه بریدونه د اسراییلو د دفاع وزیر له هغو څرګندونو وروسته شوي، چې ویلي یې و غزه کې به خپل عملیات نور هم پراخ کړي.
اسراییلي له دې سره سره غزې ته د بشري مرستو د لېږد مخه هم نیولې او د ټولو فلسطینیانو په ځانګړي ډول د ماشومانو ژوند یې له جدي ګواښ سره مخ کړی دی.
د غزې شخړه له لسیزو راهیسې دوام لري، او د اسراییلو د نظامي عملیاتو شدت د نړیوالو اندېښنې پارولې دي. نړیوالې ادارې، بشري حقونو فعالان، او ځینې هېوادونه پر اسراییلو غږ کوي چې د جګړې له شدت کم کړي او د بشري مرستو اجازه ورکړي، خو تر اوسه داسې کوم اقدام نه دی لیدل شوی چې وضعیت دې نرم کړي.
