کابل ټیلیګراف – ۱۴ وری ۱۴۰۴ لمریز کال
اروزګان کې د طالبانو امنیه قومانداني وایي، چې په دغه ولایت کې یې د نشهیي توکو یوه کارخونه له منځه وړې ده.
د نشهیي توکو د تولید، قاچاق او استعمال پر ضد دا اقدامات د طالبانو له لوري د نشهیي توکو د کښت او قاچاق د مخنیوي لپاره د دوی د ژمنو یوه برخه ده.
د یادې قوماندانۍ په خبرپاڼه کې راغلي چې دغه کارخونه د ټرینکوټ ښار په دورافشان سیمه کې له منځه وړل شوې ده.
سرچېنې د معلوماتو له مخې، له یادې کارخونې ۴۵۹ کیلوګرامه میده شوي ومان، ۳۳ لیټره ډیزل، ٢٠ لیټره تېزاب، ١٧ بېلره او یو موټر او یوه اندازه نور توکي ترلاسه شوي دي.
طالبانو ویلي چې په دې تړاو یې یو کس هم نیولی دی او له څېړنو وروسته به عدلي ارګانونو ته وسپارل شي.
