د افغانستان فوټبال فدارسیون وایي، د افغانستان د فوټسال ملي لوبډله نن دوشنبه د د ګواتیمالا پر وړاندې سیالي وکړي.
دغه سیالي چې د انټرکانټینټال یا بین القاره يي جام سیالۍ دي د تایلیند په کوربه توب ترسره کېږي.
د افغانستان او ګواتیمالا سیالي به د کابل پر وخت تر غرمې وروسته ۲:۰۰ بجې پیل شي.
د افغانستان راتلونکې سیالۍ د سې شنبې په ورځ د کوېټ، د چهارشنبې په ورځ د اسټرالیا او وروسته سیالي یې د کوربه تایلیند پر وړاندې د پنجشنبې په ورځ ده.
د یادو سیالیو هدف د فوټسال راتلونکي نړیوال جام لپاره چمتووالی دی چې د روانې سپټمبر په ۱۴مه نېټه به د ازبکستان په کوربهتوب پیل شي.
