د هندوستان پلازمینې ډيلي پولیسو د نشه یي توکو په تړاو څلور کسان نیولي چې ۵۶۰ کیلو ګرامه کوکاین ورسره وي.
د پولیسو رسنیو ته وویل، د ډيلي پلازمینې په جنوب کې یې ۲۶۷ میلیونه ډالرو په ارزښت نشه یي توکو په تړاو یې څلور کسان نیولي او په دې باوري دي چې په دې قضیه کې د مخدر موادو د قاچاق یو نړیوال سازمان لاس لري چې مشري یې په نوي ډیلي کې افغانان کوي.
د پولیسو په وینا، نیول شويو کسانو غوښتل چې دا کوکاین په ډیلي او شاوخوا سیمو کې خرڅ کړي.
هیره دې نه وي چې تر دې څو ورځې وړاندې هم دوه افغانان د نشه یي توکو په تړاو په نوي ډیلي کې نیول شوي وو.
