د خبریالانو د خونديتوب نړیوالې کمېټې ویلي چې دا برید «په کلکه غندي» او پر نړیوالې ټولنې یې غږ کړی چې د «ژورنالیستانو د وژلو» لپاره د اسراییلو د مجازاتو معافیت اوږدمهاله چلند پای ته ورسوي.
دغه اژانس وايي چې اسراٸیل سمدستي د پېښې په اړه د تبصرې غوښتنې ته ځواب نه دی ویلی. خو دړى تر دې مخکې پر خبریالانو د قصدي برید تورونه رد کړي وو.
د خبریالانو د خوندیتوب نړیوالې کمېټې ویلي، تېر کال په تېرو ۳۰ کلونو کې د خبریالانو لپاره تر ټولو خونړی کال و.
د دغه سازمان د معلوماتو له مخې، تېر کال لږ تر لږه ۱۲۶ خبریالان او د رسنیو کارکوونکو په ګډون او شاوخوا ۴۵ زره نور کسان په غزه، اشغال شوې لوېدیځه غاړه او لبنان کې وژل شوي دي.
د يادونې وړ ده، چې د رويټرز د انځور اخيستونکى عصام عبدالله په ګډون پنځه نور خبريالان هم په لبنان کې د پېښو د پوښښ پر مهال د اسرائيلو په بريدونو کې وژل شوي دي.
