کابل ټيليګراف (د مرغومې ۲۳مه– ۱۴۰۳ لمريز)
په نیمروز کې ځایي سرچینې وایې چې طالبانو په دغه ولایت کې ۲۷ هټۍ د بهرنیو اسعارو د راکړې ورکړې له امله تړلي دي.
سرچینې زیاته کړې چې طالبانو یادې هټۍ د دغه ولایت په دلارام ولسوالۍ کې تړلې دي.
د سرچینو په وینا، طالبانو له دې وړاندې په دغه ولایت کې عام خلک او هټۍ وال د بهرنیو اسعارو په ځانګړې توګه د «تومان» له کارولو منع کړي وو.
نیمروز د هیواد یو له هغه ولایتونو څخه دی چې تر ډيره په کې راکړه ورکړه په ایراني تومانو ترسره کیږي.
