کابل ټيليګراف (سلواغې ۱۱مه– ۱۴۰۳ لمريز)
امریکايي رسنیو واشنګټن ډي سي ته څېرمه د امریکايي هوايي شرکت د یوې الوتکې د لوېدو خبر ورکړی دی.
دغه الوتکه چې له کانزاس څخه واشنګټن ته روانه وه، د امریکا د پوځ له بلک هاک چورلکې سره د ټکر له امله د پوټومیک سیند ته ولوېده.
د را پورونو له مخې؛ په مسافر وړونکې الوتکه کې ټول ۶۸ تنه او په چورلکه کې درې تنه سپاره وو، چې تر اوسه د نولس تنو جسدونه را ویستل شوي دي.
امریکایي چارواکو اندېښنه ښودلې، چې ښایي، د پېښې ټولو قربانیانو ژوند له لاسه ورکړی وي.
