کابل ټیلیګراف – ۲۷ غویی ۱۴۰۴ لمریز کال
د فاریاب ولایت په خواه سبز پوش ولسوالۍ بازار کې یو ۱۹ کلن ځوان د تفنګچې په دزو سره خپل نیکه ویشتی او وژلی یې دی.
په یاد ولایت کې د طالبانو امنیه قوماندانۍ پېښه تائید کړې او ویلي، چې منهاج په نوم یاد قاتل یې د تېښتې پر مهال نیولی دی.
دوی زیاته کړې، وژل شوی کس امان الله شپیته کلن و او پېښه د کورني تاوتریخوالي له امله رامنځته شوې ده.
افغانستان کې بې روزګاري، اقتصادي وضعیت خرابوالی او نور حالات د دې لامل شوي، چې کورني تاوتریخوالي زیات او له امله یې ورته پېښې رامنځته کیږي.
