کابل ټیلیګراف – ۴ زمری ۱۴۰۴ لمریز کال
د ۲۰۲۵ نړیوالو پوهنتوني لوبو لپاره جرمني ته تللي پاکستاني پلاوي دوه لوبغاړي ورک شوي دي.
سرچینو ویلي چې دواړو لوبغاړو په سیالیو کې برخه اخیستې وه، خو د جولای له ۲۴مې وروسته له پوهنتوني لوبو ورک شوي دي.
د سرچینو په وینا، لوبغاړو په ماښامنۍ ډوډۍ کې برخه اخیستې وه، خو د سهار د ناشتې په وخت کې د دوی د ورکېدو خبر راغی.
سرچینو دا هم ویلي چې د لوبغاړو پاسپورټونه د منیجر سره دي.
دوی زیاته کړې چې د پاکستاني پلاوي واپسي به د جولای په ۲۷مه وي.
د پاکستاني پلاوي مشر جاوید میمن وویل چې ژر به د ټولې وضعیت او حقیقت په اړه معلومات ورکړي.
