کابل ټیلیګراف – ۴ زمری ۱۴۰۴ لمریز کال
د پاکستان مرستیال لومړي وزیر او بهرنیو چارو وزیر محمد اسحاق ډار ویلي چې پاکستان له واشنګټن څخه مرستې نه، بلکې سوداګرۍ غواړي او د امریکايي تولیداتو لپاره به په پاکستان کې زیاته لاسرسي ورکړي، ډېر ژر به له امریکا سره سوداګریز تړون وشي.
اسحاق ډار د اټلانټیک کونسل په یوه غونډه کې وویل چې نړۍ ډېر ژر بدلیږي او پاکستان یو سولهغوښتونکی اټومي هېواد دی.
هغه وویل، د امریکا د بهرنیو چارو وزیر مارکو روبیو سره یې لیدنه ګټوره وه او په دې لیدنه کې یې پر دوهاړخیزه شراکت ټینګار وکړ او د پاکستان او هند ترمنځ د اوربند په برخه کې د امریکا رول یې وستایه.
ډار زیاته کړه چې نړیواله اقتصاد تر فشار لاندې دی، د پېر پلور نرخونه کم شوي، د حکومت له سنبھاللو وروسته یې اقتصادي ننګونو سره مخامخ شوي، خو اوس په پاکستان کې اقتصادي ثبات راغلی دی.
هغه وویل، پاکستان له امریکا مرستې نه، بلکې سوداګرۍ غواړي او ډېر ژر له امریکا سره سوداګریز تړون غواړي، پاکستان د امریکايي بازارونو تر مؤثره لاسرسي غوښتنه کوي.
ډار وویل، د پاکستان تر ټولو زیات صادرات امریکا ته ځي او دوی به امریکايي تولیداتو ته په پاکستان کې زیاته لاسرسي ورکړي.
هغه زیاته کړه، پاکستان د شخړو سولهییز حل غواړي، له امریکا سره یې اړیکې کثیرالجہتي دي او پاکستان د ترهګرۍ پر وړاندې مبارزه کوي.
ډار وویل، یو باثباته افغانستان د پاکستان په ګټه دی او بیت المقدس باید د ازاد فلسطیني دولت پلازمېنه وي.
هغه وویل، کله چې تاسو وسله پورته کړئ، زما په څېر سولهغوښتونکی هم هیڅ نه شي کولای. د پی ټي ای د ۱۲۶ ورځو احتجاج اقتصاد تباه کړ. د میاشتې ۹مې پېښې ته به قانون خپل مسیر ونیسي.
هغه زیاته کړه، د عمران خان پر ضد قضیې موجوده حکومت نه دي جوړې کړي او د پی ټي ای بنسټګر پر ضد ټولې قضیې په محکمو کې دي.
ډار وویل، ډاکټره عافیه صدیقي له کلونو راهیسې په امریکا کې د قانوني پروسې لاندې زنداني ده.
