کابل ټیلیګراف ۸وږی ۱۴۰۴ لمریز کال
د هندوستان تر ولکې لاندې کشمېر کې د اورښتونو وروسته د رامنځته شويو پېښو له امله د یوې کورنۍ ۷ غړو په ګډون ۱۱ تنه وژل شوي دي.
د کشمیر میډیا سروس (KMS) د را پورو له مخې؛ تېره شپه د سختو بارانونو له امله ودانۍ ویجاړې شوې او املاکو ته سخت زیان رسېدلی دی.
یاد دفتر وايي، په ریاسي ولسوالۍ کې د بارانونو له امله د یوې کورنۍ ۷ غړي، چې ۵ یې ماشومان وو، وژل شوي دي.
بل لوري ته، د هند تر ولکې لاندې د کشمېر په راج ګړه تحصیل کې هم د تېرې شپې سختو بارانونو له امله ۴ کسان وژل شوي دي.
