کابل ټیلیګراف د وږي ۲۱مه ۱۴۰۴ لمریز کال
د پاکستان، چین، روسیې او ایران ځانګړو استازو د افغانستان په اړه خبرې اترې کړې دي.
د افغانستان لپاره د پاکستان ځانګړي استازي محمد صادق ویلي، چې دغه ناسته نن د تاجکستان پلازمېنې دوشنبه کې شوی دی.
محمد صادق پر اېکس پاڼه لیکلي، چې په دغه غونډه کې یې د افغانستان په اړه ګډې هیلې او اندېښنې سره شریکې کړې دي.
نوموړی زیاتوي، چې د یادو خبرو په پایله کې پر دې هوکړه شوې چې باید په افغانستان کې له ترهګرو ډلو سره جدي مبارزه او د بشري مرستو ملاتړ وشي.
