د امریکا ولسمشر جو بایډن برلین ته په سفر کې له لویدیځ غوښتي چې د اوکراین ملاتړ ته دوام ورکړي.
بایډن دغه څرګندونې د جرمني له لومړي وزیر اولاف شوټلز سره د تړلو دروازو تر شا له خبرو وړاندې د خبریالانو پوښتنو ته په ځواب کې کړې دي.
بایډن ویلي، د جرمني له لومړي وزیر سره به اوکراین ته د پوځي مرستو پر زیاتوالي، د دغه هېواد د انرژۍ سیسټم پیاوړتیا، د لویدیځ له لوري د روسیې له کنګل شوې شتمنۍ د ګټنې او منځني ختیځ کې د جګړې په اړه خبرې وکړي.
