د پاکستان د لوېدیځ پنجاب ایالت چارواکو پرون ټول ښوونځي او پوهنتونونه د دوو ورځو په مخه وتړل، څو په یوه ښوونځي کې دننه د جنسي تېري د راپورونو په غبرګون کې د محصلانو د مظاهرو مخه ونیسي.
پهدې ایالت کې چې خورا زیات نفوس لري، د ښوونځیو بندېدل به ۱۸ میلیون زدهکوونکي اغېزمن کړي.
پر ټولنیزو رسنیو د پنجاب ګروپ په یوه خصوصي ښوونځي کې دننه د احتمالي جنستي تېري د راپورونو له خپرېدو وروسته د لاهور ښار په ښوونځیو کې کړکېچ زور واخیست او وروسته په څلور ښارونو کې مظاهرې پیل شوې.
پهدې ترڅ کې د پنجاب په ګجرات ښار کې د پولیسو او مظاهرهچیانو ترمنځ په نښتو کې یو امنیتي ګارډ ووژل شو.
پولیسو د دې قتل په تور یوتن نیولی دی.
د پاکستان حکومت او پولیسو په ښوونځي کې د جنسي تېري اړوند راپورونه رد کړي او وايي چې دا پېښه نهده شوې. چارواکي هڅه کوي چې د ژورنالېستانو په ګډون هغه دېرش کسان چې د دوی په وینا پر ټولنیزو شبکو د ناسمو خبرونو په خپرولو سره د ناامنیو اور ته لمن وهي ونیسي، خو زدهکوونکو ویلي چې خپلو اعتراضونو ته به دوام ورکړي
