راپورونه وايي، د اسرائیلي ځواکونو له لوري ځل بیا پر دوو ملکي مېشت ځايونو باندې بریدونه شوي چې د ۱۳ ماشومانو په ګډون په کې ۳۰ کسان وژل شوي او په همدومره شمېر کې ټپيان دي.
عربي رسنۍ وايي، دا بریدونه پرون شوي او هغه ځايونه په نښه شوي چې خلک د مرستو لپاره ورټول شوي وو.
د فلسطيني وګړو سره د مرستې يو سازمان ويلي اسرائیلي هوايي ځواکونو د مرستو دوه مرکزونه چې ګڼ خلک په کې د مرستو لپاره ورټول شوي وو، د غزې په شمال کې په نښه کړل.
یاد سازمان ويلي اسرائیلي ځواکونو د اکټوبر له شپږمې يو ځل بيا پر غزه خپلو هوايي او ځمکنيو بریدونو ته زور ورکړی دی.
