په ننګرهار کې د طالبانو د ولایتي ادارې له لوري په یوه خبرپاڼه کې راغلي دي چې دا پېښه د دې ولایت په سپین غر ولسوالۍ کې رامنځته شوې ده.
په اعلامیه کې راغلي دي چې په پېښه کې د یو تن د وژل کېدو ترڅنګ څلور نور کسان ټپیان شوي هم دي.
په اعلامیه کې د ننګرهار د سپین غر ولسوالۍ کې د حوزوي روغتون د مسولینو له قوله راغلي دي چې ټپیان دغه روغتون ته رسول شوي او روغتیايي وضعیت یې د ډاډ وړ دی.
دا په داسې حال کې ده چې نن د طالبانو د حکومت د ترانسپورت او هوايي چلند وزارت د افغانستان په ۲۳ ولایتونو کې د سختو اورښتونو، سیلابونو، تالندې او تیزو بادونو اټکل کړی وو.
