(کابل ټيليګراف (سلواغې ۲۳– ۱۴۰۳ لمريزکال)
د ملګرو ملتونو امنیت شورا وایي، ترهګر لا هم افغانستان ته سفر کوي او په دغه هېواد کې د داعش په ګډون د بېلا بېلو وسله والو ډلو شتون د سیمې او نړۍ لپاره ګواښ دی.
ملګرو ملتونو په امنیت شورا کې د دغه سازمان د سرمنشي مرستیال ولادیمیر ورونکوف زیاته کړې چې ترهګر لاهم افغانستان ته سفر کوي.
د ملګرو ملتونو د امنیت شورا ځینو غړو په افغانستان کې د داعش په ګډون د اورپکو ډلو حضور د سیمې او نړۍ لپاره ګواښ بللی دی.
ملګرو ملتونو په امنیت شورا کې د دغه سازمان د سرمنشي مرستیال ولادیمیر ورونکوف زیاته کړې چې ترهګر لاهم افغانستان ته سفر کوي.
نوموړي ویلي چې داعش د سیمې او نړۍ لپاره ګواښ دی.
هغه د دغه سازمان پر غړو هېوادونو غږ کړی چې پرېنږدي افغانستان د اورپکو پر پناه ځای واوړي.
بل پلوه ، په ملګرو ملتونو کې د پاکستان استازي منیر اکرم ادعا کړې چې په افغانستان کې د پاکستان په مرسته د القاعدې اصلي هسته له منځه تللې ده.
راپورونه ښيي چې طالبانو په غزني کې د القاعدې لپاره ښارګوټی او په پنجشیر کې مرکز جوړ کړی دی.
له دې وړاندې د ملګرو ملتونو سرمنشي انتوني ګوتېرېش په افغانستان کې د داعش خراسان څانګې شتون د سیمې او نړۍ لپاره جدي ګواښ بللی و.
