ټاکل شوې چې نن(چهارشنبه،۲۱د لېندۍ)د زېمبابوې کرکټ لوبډله په خپل کوربهتوب د افغان ملي لوبډلې سره د شل اوریزه لوبلړۍ لومړۍ لوبه ترسره کړي.
دا سیالي د زېمبابوې په کوربهتوب په «هراري» کرکټ لوبغالي کې د کابل پر وخت مازدیګر ۴:۰۰ پیلیږي.
افغان او زېمبابوې لوبډلې به دوه نورې شل اوریزه سیالۍ د راتلونکې جمعې په ورځ، د ډسمبرپه ۱۳ او بله د شنبې په ورځ، د ډسمبرپه ۱۴مه ترسره کړي.
بلخوا د افغانستان کرکټ بورډ ویلي چې، لوبې یې د یادو سیالیو لپاره بشپړ چمتوالی نیولی او تمه لري ښې سیالۍ به ترسره کړي.
د دغې لوبلړۍ په ترڅ کې افغانستان او زېمبابوې درې شل اوریزې، درې یو ورځنۍ او دوه ټېسټ لوبې هم ترسره کوي.
له زمبابوې سره د سیالیو په دې لوبلړۍ کې د شل اوریزه سیالیو لوبډلمشر راشدخان او د یو ورځنیو سیالیو مشري بیا حشمت الله شهیدي کوي.
