په غزني کې محلي سرچېنې خبر ورکوي چې، د دغه ولایت د مرکز په مربوطاتو کې یو کس خپل میرمن په ډزو وژلې.
سرچینې زیاته کړې چې دغه پېښه(چهارشنبه،۲۱د لېندۍ)د غزني ښار پنځمې امنیتي حوزې په مربوطاتو کې رامنځته شوې ده.
د سرچینې د مالوماتو له مخې یاده پېښه د کورني تاوتریخوالي له کبله رامنځته شوې چې، د وژل شوې ښځې خاوند له پېښې وروسته له سیمې تښتېدلی دی.
بلخوا غزني طالب چارواکو تراوسه د یادې پېښې په اړه څه نه دي ویلي.
له دې څو ورځې وړاندې په ننګرهار کې هم یوه ښځه د خپل خاوند او خواښې له لوري په ډیره بې رحمۍ سره وژل شوې وه.
دا په داسې مهال دی چې له دې وړاندې هم دغه ولایت او د هېواد په نورو سیمو کې هم ورته پېښې رامنځته شوي چ،ې مسوولان یې لامل تر ډېره کورنۍ تاوتریخوالی، په بدو کې د نجونو ودول، بېوزلي او د نشه يي توکو کارونه په ګوته کوي.
