د افغانستان کرکټ ملي لوبډلې د زمبابولې کرکټ له ملي لوبډلې څخه د درېیو شل اوریزه سیالیو لوبلړۍ ۲-۱ وګټله.
زمبابوې لوبډلې د یادې لوبلړۍ په یوه لوبه کې افغانستان ته ماته ورکړې وه، خو په وروستیو دوو سیالیو کې بیا افغان لوبډلې د ښو لوبو پرمټ سیالې لوبډلې ته ماته ورکړه.
په ننۍ لوبه کې افغان لوبډلې د پچې په ګټلو سره لومړی د توپ اچونې پرېکړه وکړه، د لوبې په لومړۍ پاڼۍ کې زمبابوې لوبډلې د ټولو لوبغاړو په سوځېدو سره په شل اورونو کې افغان لوبډلې ته د ۱۲۸هدف ورکړ.
د لوبې په دوهمه پاڼۍ کې افغان کرکټ ملي لوبډلې دغه هدف د ۷ لوبغاړو په سوځېدو په شلم اور کې ترلاسه کړ او ورسره یې د درېوو سیالیو لوبلړۍ هم وګټله.
ټاکل شوې افغانستان له شل اووره سیالیو وروسته، له زمبابوې سره د یو ورځنیو او ټسټ لوبو لوبلړۍ هم لري چې په دغه هېواد کې به ترسره شي.
