د امریکا د بهرنیو چارو وزیر له خپل برتانیوي سیال سره په خبرو کې ويلي چې متحده ایالتونو، له روسیې سره د اوکراین په جګړه کې د همکارۍ او دغه هېواد ته د بالستیک توغندیو د لېږد له امله پر ایران تازه بندیزونه لګولي دي.
په دغو بندیزونو کې ټاکل شوې نن پر ایران ایر هوايي شرکت باندې امریکا ته د تګ بندیز ولګول شي.
بلخوا د اوکراین د بهرنیو چارو وزارت پر ایران له روسیې سره د همکارۍ له امله تازه بندیزونه کم ګڼي او د لا ډېر بندیزونو د وضع کولو غوښتنه کوي.
انتوني بلیکن او ډېوډ لمي په یو مطبوعاتي کنفرانس کې په دې اړه خپل نظریات په لندن کې خبریالانو سره شریک کړل.
.د برتانیا د بهرنیو چارو وزیر هم په دغه کنفرانس کې د ایران دا کړنه د اندېښنې وړ یاده کړه او ټينګار یې وکړ چې په دې اړه به له متحده ایالتونو سره په ګډه کار وکړي.
