کابل ټيليګراف (د مرغومې ۲۳مه– ۱۴۰۳ لمريز)
د طالبانو د صنعت او سوداګرۍ وزارت وايي چې د افغانستان له لارې سویلي آسیا ته د روسیې د ګازو د لیږد په اړه د وروستي تړون لپاره فرصتونه رامینځته شوي دي.
د دغه وزارت د طالبانو ویاند اخندزاده عبدالسلام جواد وویل چې دا پرېکړه روسیې ته د صنعت او سوداګرۍ سرپرست وزیر د سفر په ترڅ کې وشوه.
هغه وویل چې په دوه زره دوه ویشتم کال کې روسیې ته د نورالدین عزیزي د سفر پر مهال سویلي آسیا او سیمه ایزو بازارونو ته د ګازو د لیږدولو مسله د هغه هیواد له چارواکو سره بحث شوې وه
روسي رسنیو په دې وروستیو کې اعلان وکړ چې افغانستان او روسیې جنوبي آسیا ته د ګازو د لیږد په اړه یوې هوکړې ته رسیدلي دي، او ټاکل شوې ده چې دا تړون په دوه زره پنځه ویشتم کال کې د کازان په سرمشریزه کې وروستۍ شي.
