کابل ټيليګراف (د مرغومې ۲۷مه– ۱۴۰۳ لمريز)
دطالبانو مشر ملا هیبت الله په یوه فرمان کې ویلي، تر دې وروسته د دوی تر واک لاندې افغانستان یو کس دوه ځایه رسمي دندې نشي تر سره کولی.
د دغه حکم له مخې؛ د طالبانو هیڅ لوړ پوړی او ټیټ پوړی کس نشي کولی، چې په یو وخت کې دوه ځایه رسمي دندې ترسره کړي.
د طالبانو د مشر د دغه فرمان له مخې؛ هغه کسان چې دوه ځایه رسمي دندې لري، باید یوه ژر تر ژره پریږدي.
دا په داسې حال کې ده، چې وروستیو کې په طالبانو د واک انحصار ، د یو کس له لورې څو دندې ترسره کولو، خپل خپلوانو مقررۍ او یو شمېر نورو کړنو له امله نیوکې کیږي.
