کابل ټیلیګراف – ۱۶ وری ۱۴۰۴ لمریز کال
د پاکستان جنګ ورځپاڼې لیکلي: د نیوزیلینډ پر وړاندې د درېیمې یو ورځنۍ لوبې له ماتې وروسته د پاکستاني لوبغاړي خوشدل شاہ او یوه نندارچي ترمنځ د شخړې تفصیلات راڅرګند شوي دي.
د سرچینو په وینا، نندارچي د پاکستان لوبډلې ته په پښتو ژبه بد رد ویلي وو او په لومړیو معلوماتو کې ویل شوي چې هغه یو افغان وګړی وو.
سرچینو ویلي چې د دې پېښې پلټنې روانې دي او د ټیم مدیر دا موضوع څېړي
د پاکستان کرکټ بورډ د سرچینو په وینا، بورډ په دې موضوع کې د خوشدل شاہ ملاتړ کوي.
د پاکستان کرکټ بورډ د بهرنیو تماشایانو له خوا د ملي لوبغاړو سره د بدزبانۍ غندنه کړې او ویلي یې دي چې بهرنیو نندارچیانو په لوبغالي کې د موجوده لوبغاړو په اړه ناسمې خبرې کړې دي.
د دغه را پور له مخې؛ د پاکستان ضد غږونو پورته کولو پر مهال خوشدل شاہ بهرنیو تماشایانو ته منع کړې وو، خو د منع کولو سره سم افغان نندارچیانو په پښتو ژبه نور ناسم الفاظ هم کارولي.
وروسته دوو افغان نندارچیان د خوشدل شاہ سره د لاس او ګرېوان کېدو هڅه هم کړې وه، چې له امله یې د پاکستان ټیم د شکایت پر اساس دوه بهرني نندارچیان له لوبغالي څخه ویستل شوي دي.
د یادونې وړ ده، چې پاکستان له نیوزیلینډ څخه د درې یوه ورځنیو لوبو سریز درې سفر وبایله.
