کابل ټیلیګراف – ۲۷ وری ۱۴۰۴
میدان وردګو ولایت کې د طالبانو سیمهییز چارواکي وایي چې د دغه ولایت په چک ولسوالۍ کې دوه ماشومان اوبو کې د ډوبېدو له امله مړه شوي دي.
د یاد ولایت مقام په خبرپاڼه کې راغلي، دا پېښه تېره ورځ له غرمې مخکې د چک ولسوالۍ اړوند د عربانو چهارشینې په کلي کې شوې ده.
په خبرپاڼه کې زیاته شوې چې یاد دوه ماشومان د بېاحتیاطۍ له امله د اوبو په یوه حوض کې لوېدلي او خپل ژوند یې له لاسه ورکړی دی.
