کابل ټیلیګراف – ۷ غویی ۱۴۰۴ لمریز کال
یوه پاکستاني سناتور خبرداری ورکړی چې په کشمیر کې د هند هر ډول تجاوزکاره اقدام به د متقابل ځواب سره مخ شي.
عرفان صدیقي په یوه یادداشت کې اعلان کړی چې نرندرا مودي د اسرائیلو له تګلارې په الهام اخیستو سره هڅه کوي کشمیر په بل غزه بدل کړي او هند یې د خپل دموکراتیک اعتبار له لاسه ورکولو تورن کړی دی.
هغه همدارنګه ټینګار کړی چې د هند له خوا د سیندونو د جریان د ګډوډولو یا په پاکستان کې د بندونو جوړولو هر ډول هڅه به د جګړې اقدام ګڼل کېږي.
