کابل ټیلیګراف – ۱۸ غبرګولي ۱۴۰۴ لمریز کال
په غزه کې د اسرائیلي تېري د اختر په دویمه ورځ هم و نه درېد، او د پوځ د ډزو په پایله کې ۳۶ نور فلسطینیان ووژل شول.
د غزې د ملکي دفاع ادارې په وینا، پرون د اسرائیلي ځواکونو د ډزو له امله لږ تر لږه ۳۶ فلسطینیان ووژل شول، چې په دې کې ۶ کسان د امریکا په ملاتړ د یوه مرستندویه مرکز تر څنګ ووژل شول.
دا پېښه په رفح کې د غزې د بشري مرستو صندوق (GHF) د مرستندویه مرکز تر څنګ رامنځته شوه.
د غزې د رسنیو دفتر په وینا، د مې له ۲۷مې تر جون ۶مې پورې په رفح کې د مرستندویه ځایونو پر ضد اسرائیلي بریدونو کې له ۱۰۰ زیات فلسطینیان وژل شوي او ۵۸۱ نور ټپیان شوي دي.
بل خوا، د ملګرو ملتونو د خوراک نړیوال پروګرام په غزه کې مرستو ته د لاسرسي پروګرام د سمدستي پیل کېدو غوښتنه کړې.
د غزې د روغتیا وزارت په وینا، په غزه کې د اسرائیل د جګړې له امله تر اوسه لږ تر لږه ۵۴,۶۷۷ فلسطینیان وژل شوي او له یو سلو۲۵ زرو زیات ټپیان شوي دي.
