کابل ټیلیګراف – ۲ چنګاښ ۱۴۰۴ لمریز کال
د ایران قضایه قوی له لوري د دغه هېواد يو وګړی اسرائیلو ته د جاسوسۍ په تور باندې نن د دوشنبې به سهار اعدام کړ.
پر محمد امین مهدوي شایسته باندې تور دی چې د اسرائیلي استخباراتي شبکې موساد اړوند د سایبري حملو يوې ډلې سره يې همکاري درلوده او په ایران کې يې دغې ډلې ته کار کولو ځکه له دغې پرېکړې سره مخ شو.
د ایران د قضایه قوې خبري چینل (میزان) راپور ورکړی چې د قضایه قوی دا پرېکړه نن سهار عملي شوه.
په خبر کې ويل شوي چې مهدوي شایسته د موساد لپاره کار کولو او د سایبري حملو او سایبري جاسوسۍ يوې شبکې مشري يې پر غاړه درلوده.
تر دې وړاندې هم د اسرائیلو او ایران د جګړې له پيله تر اوسه څو نور کسان هم اسرائیلو ته د جاسوسۍ په تور اعدام شوي او ګڼ نور چې افغان کډوال هم په کې شامل دي د جاسوسۍ په تور نيول شوي دي
