کابل ټیلیګراف – ۴ چنګاښ ۱۴۰۴ لمریز کال
د برېکس غړو هېوادونو په یوه ګډه اعلامیه کې د روانې جون میاشتې له ۱۳مې راهیسې پر ایران د ترسره شویو بریدونو په اړه ژوره اندېښنه څرګنده کړې او دغه بریدونه یې د نړۍوالو قوانینو او د ملګرو ملتونو د منشور سرغړونه بللې ده.
اعلامیه کاږي چې دغه کړکېچ د سیمې سولې، نړۍوال امنیت او د نړۍ اقتصاد ته جدي ګواښونه پېښوي.
برېکس له ټولو خواو غواړي چې د شخړو د هوارۍ لپاره له ډیپلوماټیکو لارو کار واخلي، ولسي وګړي خوندي وساتي او نړۍوال قوانین مراعت کړي.
