کابل ټیلیګراف – ۲۱ چنګاښ ۱۴۰۴ لمریز کال
بدخشان کې د طالبانو امینه قومانداني وايي چې د دغه ولایت په تشکان ولسوالۍ کې د یوې ترافیکي پېښې له امله د زوم او ناوې په ګډون د یوې کورنۍ پنځو غړو خپل ژوند له لاسه ورکړی دی.
د بدخشان د امنیې قوماندانۍ په خبرپاڼه کې راغلي چې یاده تېره شپه ۹ بجې د تشکان – کشم پر لویه لار د پل تشکان په ساحه کې رامنځته شوې ده.
د سرچینې د معلوماتو له مخې، په یاده پېښه کې د زوم، ناوې او یوه ماشوم په ګډون د یوې کورنۍ پنځه غړي مړه شوي او یوه ښځه ټپي شوې چې د کوما په حالت کې ده.
امنیې قوماندانۍ لیکلي چې یاده پېښه له سړکه د کرولا موټر د وتلو او چپه کېدو له امله رامنځته شوې ده.
سرچینې د یادې پېښې لامل د موټر چلووونکې بېاحتیاطي بللې ده.
په خبرپاڼه کې زیاته شوې چې د یادې پېښې قربانیان د یوې کورنۍ غړي وو چې د نکاح له مراسمو وروسته د خپل کور پر لور روان وو.
