کابل ټیلیګراف ۸وږی ۱۴۰۴ لمریز کال
د افغانستان د کرېکټ ملي لوبډلې په متحده عرب اماراتو کې د درې اړخیزه لوبلړۍ په لومړی لوبه کې د پاکستان پر وړاندې ماته وخوړه.
د لوبې پچه پاکستانۍ لوبډلې وګټله او لومړۍ یې د توپوهنې پرېکړه وکړه.
پاکستان په ټاکلو شلو اورونو کې د اوو لوبغاړو په سوځېدو سره ۱۸۲ منډې جوړې کړې او افغان لوبډلې ته یې د ۱۸۳ منډو هدف وټاکه.
افغانستان په لومړۍ شپږو اورونو کې د یوې ویکټې په سوځېدو تر پنځوسو زیاتې منډې وکړې، خو وروسته لوبغاړي ژر ژر وسوځېدل او د لوبې د بري اړخ بدل شو.
په توپ اچونه کې فرید ملک په څلورو اورونو کې ۴۷ منډې ورکړې او دوه لوبغاړي یې له میدانه بهر کړل.
په توپ وهنه کې بیا راشد خان پر ۱۶ توپونو ۳۹ منډې جوړې کړې، رحمن الله ګربز هم په ۲۷ توپونو ۳۸ منډې جوړې کړې.
تر ماتې وروسته افغان لوبډلمشر راشد خان وویل: « په لوبه کې ماتې او بری حتمي شته، خو هغه څه چې مهم دی دې لوبو کې هغه رنریټ دی او هغه څه چې دې برخې ته لازم وو ما وکړل».
یو شمېر کرېکټ پوهان بیا دا ماتې د راتلونکو بریاوو لپاره په نېک پال نیسي او وایي: « کله ناکله ماتې ښه وي، لوبغاړي خپلو نیمګړتیاوو ته پام کوي او راتلونکو بریو ته چټک ګامونه اخلي».
دغه لوبلړۍ د افغانستان، پاکستان او کوربه متحده عرب اماراتو ترمنځ ترسره کیږي.
په نننۍ دوهمه لوبه کې بیا پاکستان له متحده عرب اماراتو لوبډلې سره مخ کېږي.
