کابل ټیلیګراف ۸وږی ۱۴۰۴ لمریز کال
ننګرهار کې د طالبانو د ولایت رسنیو دفتر په یوه خبرپآڼه کې ویلي، چې د سپين غر ولسوالۍ په بټن کلي کې د دادالله په نامه د یوه کس د خونې د چت پرېوتو په پېښه کې د نوموړي دوه لورګانې مړې شوي او د کورنۍ درې غړي يې ټپيان شوي دي.
ټپيان د دې ولسوالۍ د شډل روغتيايي مرکز ته د درملنې په موخه لېږدول شوي دي.
په خبرپاڼه کې دغه راز لیکل شوي، چې بل لور ته د شينوارو روغتون ته له اچين او سپين غر ولسواليو څخه شپږ تنه ټپيان ور وړل شوي چې روغتيايي وضعيت يې د ډاډ وړ دی.
همدا راز په روداتو ولسوالۍ کې د ډاکتر بختيار او خالد په نومونو دوه تنه مړه شوي او شپږ کسان ټپيان د ولسوالۍ روغتون ته انتقال شوي دي.
په چپرهار ولسوالۍ کې هم د يو سپينږيري سړي جسد له سيلاب څخه راويستل شوی دی.
خبرپاڼه کاږي، چې په چپرهار، خوږياڼو، پچيراګام، شينوارو، بټي کوټ، نازيانو او يو شمېر نورو ولسواليو کې ګڼ شمېر کورونه، زرګونه جريبه کرنيزه ځمکه، استنادي ديوالونه، لارې، سربندونه او نور تخريب شوي دي.
بشپړ جزیات وروسته…
