کابل ټیلیګراف ۸وږی ۱۴۰۴ لمریز کال
د اندونیزیا په ختیځ کې د سیمهییز پارلمان په ودانۍ کې اور لګېدو له امله درې تنه مړه او پنځه نور ټپیان شوي دي.
د اندونیزیا د سویلي سولاوسی ایالت په مرکز ماکاسار ښار کې د سیمهییز پارلمان په ودانۍ کې د اورلګېدنې له امله درې تنه مړه او پنځه نور ټپیان شول.
دا اورلګېدنه تېره شپه رامنځته شوې او اعتراض کوونکو ته منسوبه شوې ده.
د فرانسې خبري اژانس د ماکاسار د ښار شورا سکرټر رحمت ماپاتوبا له قوله نن (شنبه، د وږي ۸مه) لیکلي، چې په تېره ورځنۍ اورلګېدنه کې دوه تنه په پېښه کې او یو بل کس روغتون ته د لېږد وروسته مړ شوی دی.
د ښار شورا سکرټر اعتراض کوونکي تورن کړي، چې د ودانۍ د سوځولو لپاره یې پر دفتر برید کړی.
تېره ورځ د اندونیزیا په لویو ښارونو، په تېره پلازمینه جاکارتا کې د دولتي چارواکو د امتیازاتو د زیاتوالي په غبرګون کې اعتراضونه شوي وو.
