کابل ټیلیګراف ۸وږی ۱۴۰۴ لمریز کال
د طالبانو د فراه د امنیې قوماندانۍ مسوولین وايي، چې دغه ډلې تېره ورځ د بالابلوک ولسوالۍ کې دوه تنه د عبدالواحد په نوم د یوه کس د وژلو په تور نیولي دي.
دوی زیاته کړې، نیول شوي کسان اسماعیل او عبدالناصر نومېږي او د بالابلوک اوسېدونکي دي.
همدارنګه، مسوولینو ویلي، چې د دې قضيې په تړاو یو بل شکمن کس هم نیول شوی، چې عدلي او قضایي ارګانونو ته ورپېژندل شوی دی.
طالبان په داسې حال کې د قتل په قضیه کې د دوو تنو د نیول کېدو خبر ورکوي، چې همدا تېره اونۍ دوی په هرات کې په عام محضر کې یو تن له محکمې پرته وواژه، خو عاملین یې له هیڅ ډول کړنو سره مخ نشول.
