کابل ټیلیګراف ۸وږی ۱۴۰۴ لمریز کال
د پاکستان د لومړي وزیر مرستیال او د بهرنیو چارو وزیر اسحاق دار اعلان کړ، چې چین په اصولو سره د چین – پاکستان اقتصادي دهلیز (سيپيک) د پراخولو او افغانستان سره د یوځای کولو موافقه کړې ده.
دا توافق د اسلامآباد، کابل او بیجینګ ترمنځ د درې اړخیزو خبرو اترو برخه وه او جزییات یې اوس نهایی کېږي.
ښاغلي ډار زیاته کړه، چې په دې چوکاټ کې به افغانستان د پاکستان-افغانستان-اوزبیکستان د اورګاډي په څېر نوي ترانزیټي پروژو سره هم وصل شي.
هغه همدارنګه په خپلو خبرو کې ټینګار وکړ، چې د افغان کډوالو د راستنېدو او د سرحدي تګ راتګ مدیریت د درې اړخیزو خبرو نور اړخونه وو.
