د انګلستان کرېکټ ملي لوبډلې د ۲۰ اوره لوبو لوبلړۍ په دویمه لوبه کې خپلې سیالې اسټرالیا ته د لوبې په ۱۹م اور کې په درې وېکټو ماتې ورکړه او د روانې لوبلړۍ لومړۍ بریا ته ورسېده.
دا لوبه جمعه د سپټمبر پر ۱۳مه شپهمهال د انګلستان په کوربتوب «صوفیا ګارډینېس» کرېکټ لوبغالي کې وشوه چې ټاس انګلېنډۍ لوبډلې وګاټه او لومړی یې توپ اچونه وکړه.
د لوبې په لومړۍ پاڼۍ کې اسټرالیا د جېک فرېزر ۵۰، جوش انګلېس ۴۲، ټراویس هیډ ۳۱ او مېتیو شارټ ۲۸ منډو پر مټ سیالې لوبډلې ته ۱۹۳ منډې هدف وټاکه او خپل ټول لوبغاړي یې له لاسه ورکړل.
په توپ اجونه کې د یادې لوبډلې لپاره سین ابوټ دوه، مېتیو شارټ ترټولو ډېرې پنځه وېکټې اخیستي او یوازې ۲۲ منډې یې ورکړي دي.
بلخوا کوربه انګلستان بیا د ټاکل شوي هدف په ځواب کې د خپلو ۷ لوبغاړو په زیان سره د لوبې په ۱۹م اور کې ۱۹۴ منډې جوړې کړې او د لوبه یې وګټله.
د دې لوبډلې په ګټه لیام لیوینګسټون ۸۷، جېکاب بېټهېل ۴۴، فېل سالټ ۳۹ او وېل جېکس ۱۲ منډې جوړې کړې.
هېره دې نه وي چې لیام لیوینګسټون د پنځه شپږیزو او شپږ څلوریزو وهلو سربېره په ۴۷ توپونو ۸۷ منډې جوړې کړې او د لوبې غوره لوبغاړي په توګه ونومول شو.
دا په داسې حال کې ده چې د روانې لوبلړۍ په لومړۍ لوبه کې اسټرالیایۍ لوبډلې کوربه انګلستان ته په خپل کور کې ماتې ورکړې وه.
