کابل ټيليګراف (د مرغومې ۳۰مه– ۱۴۰۳ لمريز)
په داسې حال کې چې په غزه کې د حماس غورځنګ او اسرائيلي ځواکونو ترمنځ اوربند ته د ګوتو په شمار وخت پاتې دی او ټاکل شوې چې نن د افغانستان پر وخت د سهار په ۱۱ بجو اوربند پيل شي، د غزې له جنوب رفح ښار څخه اسرائیلي ځواکونو وتل پيل کړي دي.
رپوټونه وايي چې اسرئیلي ځواکونه له رفح ښار په وتو دي او له مصر سره په سرحد کې د فلادلفیا ښار ته ور ټولېږي.
بلخوا سلګونه فلسطيني کورنۍ چې د جګړې له وېرې له رفح ښار څخه کډوالې شوې وې، بېرته د ورتګ انتظار کوي.
