کابل ټيليګراف (د مرغومې ۳۰مه– ۱۴۰۳ لمريز)
په خوست کې ځایي سرچینو خبر ورکړی چې د دغه ولایت په علي شېرو ولسوالۍ کې د بېپیلوټه الوتکې د برید پرمهال د ټيټيپي دوه جنګیالي وژل شوي دي.
سرچینو زیاته کړې چې الوتکې تېره شپه د خوست په علي شېرو ولسوالۍ کې د پاکستاني طالبانو یو مرکز په نښه کړی چې پرمهال یې دوه جنګیالي وژل شوي دي.
خوست کې طالب چارواکو تراوسه په دې اړه څه نه دي ویلي.
له دې څه موده وړاندې پاکستاني پوځ په پکتیکا او خوست ولایتونو کې هم د هوایي بریدونو پرمهال د ټيټيټي جنګیالیو د وژلو ادعا کړې وه.
