کابل ټيليګراف (د دلوې دوېیمه – ۱۴۰۳ لمريز)
د روسیې دفاع وزارت د لوهانسک په سیمه کې د نوویګوروفکا ښارګوټي او د دونیتڅک په سیمه کې د شیوچینکو ښارګوټي د نیولو نه خبر ورکړ.
د روسیې د دفاع وزارت له خوا په خپره شوې اعلامیه کې ویل شوي، په تیرو ۲۴ ساعتونو کې، د اوکراین د پوځي هوايي ډګرونو په زیربناګانو، د بې پیلوټه الوتکو د بسته بندۍ او ذخیره کولو مرکزونو، د عسکرو د تجمع په مرکزونو او پوځي تجهیزاتو په ګډون په ۱۵۲ هدفونو بریدونه هم شوي دي.
په اعلامیه کې زیاته شوې چې د روسیې د تاتارستان جمهوریت په سر د روسیې د هوايي دفاعي سیسټمونو لخوا دوه اوکرایني بې پیلوټه الوتکې له منځه وړل شوي دي.
د تاتارستان د ولسمشرۍ د مطبوعاتي خدماتو لخوا په یوه اعلامیه کې ویل شوي چې په پلازمینه کازان کې صنعتي تصدۍ د بې پیلوټه الوتکې په برید کې په نښه شوې دي.
ویل کیږي د برید نه وروسته د د کازان نړیوال هوایی ډګر الوتنې په موقت ډول ځنډول شوې وې.
