( کابل ټيليګراف (سلواغې ۲۷– ۱۴۰۳ لمريزکال )
د طالبانو د احصایې او معلوماتو ملي ادارې وایي، د روان کال له پیله تر اوسه یې هېواد کې څه باندې ۲،۴ میلیون برېښنایي پېژندپاڼې وېشلي دي.
د یادې ادارې ویاند محمدحلیم رافیع وایي، طالبانو د بیا ځلې واکمنېدو راهیسې نږدې ۸،۲ میلیون وګړو ته برېښنايي پېژندپاڼې وېشل شوې دي.
هغه د معلوماتو له مخې، د الکترونیکي تذکرو د وېش لړۍ له پیله تر اوسه په ټول هېواد کې څه باندې ۱۵،۲ میلیون وګړو ته برېښنایي پېژندپاڼې وېشل شوې دي.
د یادونې ده چې په افغانستان کې د الکترونیکي پېژندپاڼو وېش د ۱۳۹۷ لمریز کال د غویي میاشتې په ۱۳مه نېټه پیل شوی دی.
