(کابل ټيليګراف (سلواغې ۳۰– ۱۴۰۳ لمريزکال)
په افغانستان کې د ملګرو ملتونو مرستندویه پلاوی وايي چې د طالبانو له خوا زده کړې، کار او روغتیايي خدمتونو ته د لاسرسي محدودیتونه اوږدمهاله زیانونه رامنځته کوي.
یوناما نن د اسلامي همکاریو سازمان سره په افغانستان کې د ښځو او نجونو د وضعیت په اړه مهم او رغنده بحثونو خبر ورکړ.
دغه دفتر ټینګار کړی چې په دې برخه کې د ښځو پراخه ګډون او عملي اقداماتو ته بیړنۍ اړتیا ده.
له هغه وخت راهیسې چې په افغانستان کې طالبان واک ته رسیدلی، د ښځو په اساسي حقونو او آزادیو پراخ محدودیتونه لګول شوي دي، او دوی د کار او زده کړې له حق څخه محرومې شوي دي.
پر افغان ښځو باندې مخ په زیاتیدونکي محدودیتونه تل له پراخو نړیوالو غبرګونونو سره مل وي.
