کابل ټیلیګراف – ۳ غویی ۱۴۰۴ لمریز کال
د ایران د بهرنیو چارو وزارت ویاند اسماعیل بقائي وايي چې د ایران او امریکا ترمنځ تخنیکي کارپوهانو ناسته به د راتلونکې شنبې په ورځ ترسره شي.
ټاکل شوې وه چې دا ناسته نن چهارشنبه د ایران او امریکا د پلاویو ترمنځ د عمان په مسقط کې ترسره شي.
خو د ایران د بهرنیو چارو وزارت ویاند اعلان وکړ چې د عمان د وړاندیز او د ایران او امریکا د پلاویو ترمنځ د هوکړې له مخې، د دواړو هېوادونو تخنیکي-مشورتي ناسته د شنبې ورځې ته وځنډول شوه.
